DGEMs

Maluk sira mak Kristu hadomi,

“Loke-an ba Lialos Jesus nian” - Fiar: Ihaevangelho ohin nian,ema barak husi ema lubun bo’ot no guarda sira, sente toka ho Jesus nia lialos no sabedoria; no sira seluk hela ho dúvida. Reflete; “wainhira ita nia fuan la sinceru iha moris no iha Fiar, ita sei iha dúvida barak kona-bá Jesus. Ida ne’e sei halo fraku liutan ita nia Fiar. Karik ita iha ona experiênsia ida ne’e fila-fila iha ita nia fiar?”

Pe. Philip Heng, S.J.

Ema haksesuk malu kona-bá Jesus

40Wainhira sira housi ema lubun boot rona liafuan hirak ne’e, balun dehan: “Ema ne’e profeta tebes duni.” 41Balun dehan fali: “Nia mak Messias.” Maibé seluk dehan: “Messias mai housi Galileia karik? 42Eskritura la dehan katak Kristu mak David nia bei oan no mai housi Belem, David nia knua?” 43Ne’e duni, sira fahe malu kona-bá Nia. 44Ema balun hakarak rasik kaer Nia, maibé ema ida la tau liman ba Nia. 45Guarda sira fila fali ba amlulik boot no fariseu sira, ne’ebé dehan ba sira: “Tansa imi la lori Nia mai?” 46Guarda sira hatan: “Ema ida seidauk koalia hanesan ema ne’e!” 47Fariseu sira husu fali ba sira: “Nia dada ona imi mos karik?” 48Na’i ulun eh fariseu ruma fiar Nia karik? 49Maibé ema lubun boot ne’e ne’ebé la hatene ukunfuan hetan malisan ba!” 50Sira ida naran Nicodemo, ne’ebé uluk ba koalia ho Nia, hateten ba sira: 51“Ita nia ukunfuan fó kastigu ba ema ida, wainhira seidauk rona nia, seidauk hatene nia di-diak?” 52Sira hatan hodi dehan ba nia, “O mos housi Galileia? Buka iha eskritura no o sei hare katak la iha profeta ne’ebé mai housi Galileia.” 53Sira ida-ida fila ba uma.