DGEMs

Maluk sira mak Kristu hadomi,

“Jesus nia divindade”—Fiar: Evangelho ohin nian, Jesus proklama kona-bá, nia uniaun Divina ho nia Aman. Lialos divinu no mistériu ida ne’ehalo judeu sira iha liu intensaun atu oho Jesus, ho rajaun dehan blesfemia. Reflete; iha mundu sekular ohin loron: fóti-an, poder; haksolok-an, no gratifikasaun sira mak sai hanesan tentasaun boot ne’ebé bosok, fahe no dada ema do’ok husi Jesus ne’ebé oferese moris rohan la’ek ba ita.”

Pe. Philip Heng, S.J.

17Maibé Jesus hatan ba sira: “Ha’u nia Aman serbisu to’o ohin, nune’e mos Ha’u serbisu.” 18Tan ne’e, Judeu sira buka liu tan atu oho Jesus, tamba Nia la halakon de’it lisan loron Sabadu nian, maibé mos tamba Nia bolu Maromak nia Aman rasik hodi halo An hanesan Maromak.

Jesus nia liafuan kona-bá nia an

                  19Jesus hatan ba sira: “Tebes, tebes, Ha’u dehan ba imi katak Oan Mane la bele halo buat ida housi nia An rasik; Nia bele halo de’it buat ne’ebé nia hare Aman halo; basa buat ne’ebé Aman halo, Oan mos halo 20Basa Aman hadomi Oan hodi hatudu ba Nia buat hotu ne’ebé Nia halo, no sei hatudu tan hahalok sira ne’ebé boot liu fali sira ne’e, atu imi hakfódak. 21Basa nudar Aman halo ema mate sira moris hi’as fali hodi halo sira moris, nune’e mos Oan fó moris ba ema ne’ebé Nia fihir. 22Aman la tesi lia ba ema ida, maibé saran lia hot‑hotu ba Oan atu tesi, 23atu ema hotu hanai Oan nudar sira hanai Aman. Ema ne’ebé la hanai Oan, nia la hanai mos Aman ne’ebé haruka Oan.