DGEMs

Maluk sira mak Kristu hadomi,

“Fóti-an no Humildade”—Fiar: Evangelho ohin nian, Jesus proklama “aiknanoik ida kona-bá ema Fariseu no Publikanu sira” atu esplika katak: wainhira ita fóti-an iha ita nia Fiar, ida ne’e revela ita nia dezeju sira atu buka ksolok ba ita nia-an.” Maibé, se ita haraik-an iha ita nia Fiar, ita sei rekonhese ita nia nesesidade hodi buka domin miserikordiozu no perdaun Maromak nian. Reflete; “ita karik krítika ema seluk ba sira nia sala sira, ou ita haraik-an hodi rekonhese katak ita ema sala na’in?” 

Pe. Philip Heng, S.J.

Fariseu no Publikanu

            9Hafóin Nia haktuir tan aiknanoik ida ne’e ba ema balun ne’ebé fóti an hodi hanoin katak sira ema santu, no hakribi ema seluk: 10“Ema na’in rua sa’e ba templu atu harohan: ida fariseu, ida seluk publikanu. 11Fariseu ne’e hamriik tiha, hodi harohan nune’e: ‘Na’i Maromak, ha’u agradese Ita Boot, basa ha’u la’os hanesan ema seluk: sira mesak ema na’okten, kaanten, laran fóer; ha’u la hanesan mos ema publikanu ne’e. 12Ha’u hadera an semana ida dala rua. Ha’u selu impostu housi ha’u nia rikusoi tomak.’ 13Publikano fali hamriik dook, la berani atu fóti matan, maibé baku de’it nia hirus matan dehan: ‘Na’i Maromak, sadia atan ha’u, ema maksalak!’ 14Tebes, Ha’u dehan ba imi katak ema ne’e fila ba uma los ona, ida seluk lae. Basa ema ne’ebé fóti an, Na’i sei hatun nia; no ema ne’ebé haraik an, Na’i sei fóti nia.”