DGEMs

Maun alin sira hotu iha Na’i,

“Ukun-fuan ne’ebé boot liu”—Fiar”: Evangelho ohin nian, Jesus proklama katak “ukun-fuan ne’ebé boot liu” mak atu “hadomi Maromak ho ita nia fuan tomak, ita nia klamar, hanoin no ita nia fórsa. No, atu moris iha domin ida ne’e, presiza  hatudu liu husi hadomi ita nia maluk sira.” Reflete; “atu hadomi Maromak autentikamente, ita presiza mós atu hadomi ema seluk; tamba kada ema ida mak Maromak nia oan presiozu ida.”

Pe. Philip Heng, S.J.

Ukunfuan boot liu hotu

            28Eskriba ida, ne’ebé rona Nia koalia no hare oin sa Jesus hatan diak los ba sira, mai hakbesik Nia hodi husu, “Ukunfuan uluk liu hotu mak ida ne’ebé los?” 29Jesus hatan, “Ida ne’ebé uluk liu mak: ‘Rona ba, Israel. Na’i, ita nia Maromak, mak Na’i ida mesak. 30O sei hadomi Na’i, o nia Maromak ho o nia fuan tomak, ho o nia klamar tomak, ho nia hanoin tomak no ho o nia kbiit tomak.’ 31Ida tuir nia mak ne'e: ‘O sei hadomi o nia maluk nudar o nia an rasik. La iha tan ukunfuan ne’ebé boot liu sira ne'e.” 32Eskriba ne'e dehan ba Nia, “Diak, Mestre.  Ho lialos, Ita dehan katak Maromak ida de’it; la iha tan ida seluk, Nia mesak de’it. 33Hadomi Nia ho fuan tomak, no ho hanoin tomak no kbiit tomak, no hadomi maluk hanesan an rasik mak boot liu buat karan sunu no sakrifisiu hotu.” 34Jesus, hare katak nia koalia ho matenek, dehan ba nia, “O la dook housi Maromak nia reinu!” La iha tan ema ne’ebé berani atu husu buat ruma ba Nia.