DGEMs

Maluk sira mak Kristu hadomi,

“Divizaun atu moris iha Fiar”: Evangelho ohin nian, Jesus proklama ba ema lubun boot sira kona-bá fórma sira hotu divizaun nian, mezmu iha parte espíritu diak ou husi espíritu at sira; hodi halo fraku sira nia poder hodi atinji sira nia objetivu. Reflete; “wainhira ita nia fuan hafahe iha ita dezeju sira atu hadomi no serbí Maromak; husi ita nia dezeju sira koan ba auto-gratifikasaun no Glória ”, nune’e ita nia domin ba Maromak sei labele kle’an.”

Pe. Philip Heng, S.J.

Fariseu sira duu matak jesus

            14Jesus duni sai dau-daun diabu ida ne’ebé monok. Wainhira diabu sai tiha, ema monok koalia hodi halo povu tomak hakfódak. 15Maibé ema balun dehan: “Nia duni sai diabu hodi Beelzebu, diabu sira nia ulun, nia naran.” 16Balun fali husu ba Nia sinal ida housi lalehan, atu koko Nia. 17Maibé, hatene tiha sira nia hanoin, Nia dehan ba sira: “Reinu hotu ne’ebé fahe malu sei sobu rahun, no uma ida sei monu iha uma seluk nia leten. 18Nune’e mos, Satanas fahe karik nia an ba rua, nia reinu sei tahan oin sa los? Basa imi dehan katak hodi Belzebu mak Ha’u duni sai diabu sira. 19Ha’u duni sai diabu sira hodi Belzebu nia naran karik, hodi sa nia naran mak imi nia oan sira duni sai sira? Tan ne’e mak sira sei tesi lia ba imi. 20Maibé Ha’u duni sai diabu sira hodi Maromak nia limanfuan karik, ne’e dehan katak Maromak nia reinu to’o ona ba imi. 23Ida ne’ebé la hamutuk ho Ha’u, nia hasouru Ha’u; no ida ne’ebé la halibur ho Ha’u, nia sei namkari.