DGEMs

Maluk sira mak Kristu hadomi,

“Knaar Haraik-an- Jesus Nia Fiar”:Iha Evangelho ohin nian, Jesus profetiza katak iha Jeruzalen, Nia sei terus no mate iha krus lolon, maibé Nia sei moris hias hafoin loron tolu. Atu sai Jesus Nia eskolante sira ne’ebé soin, sira tenki serbí ho haraik-an hanesan Jesus.” Reflete; ita buka oin, buka rekompensa, no buka glória wainhira ita serbí Maromak no Nia emar sira, ka ita serbí ho haraik-an hanesan Jesus?”

Pe. Philip Heng, S.J.

Ba dala tolu Jesus fo sai kona ba nia terus

17Sa’e dau-daun ba Jerusalem, Jesus bolu ketak sira na’in sanulu resin rua hodi dehan ba sira: 18“Ita sa’e ba Jerusalem. Ema sei saran Oan Mane ba amlulik boot no eskriba sira, nebe sei tesi lia atu Nia mate. 19Hafoin sira sei saran Nia ba gentiu sira atu hamoe Nia, baku Nia hodi hedi Nia ba krus. Liu tiha loron tolu, Nia sei moris hi’as.”

25Jesus bolu sira hodi dehan ba sira: “Imi hatene katak na’i ulun gentiu sira nian ukun povu hodi kbiitt. 26Imi sei la halo hanesan ne’e; maibe iha imi le’et se mak hakarak sai boot, nia sei sai imi nia atan; 27no ida nebe hakarak sai uluk, nia sei sai imi nia atan. 28Hanesan Oan Mane mai, la’os atu ema serbi Nia, maibe atu serbi no saran nia moris atu soi ema barak.”