DGEMs

Maluk sira mak Kristu hadomi,

“Moris Haraik-an hanesan Jesus”: Iha Evangelho ohin nian, Jesus haklaken katak presiza halo tuir ema Eskriba sira no Farizeu sira nia hanorin, maibé nunka halo tuir sira nia maneira moris nian, basá sira la prátika buat ne’ebé sira haklaken eh hanorin. Reflete; “testemuña kona-ba ita nia fidelidade no umildade mak buat ne’ebé inspira lolos duni, basá ita nia lia-fuan atu iha kredibilidade, ita tenki iha testemuña auténtika kona-ba Jesus iha ita nia moris.”

Pe. Philip Heng, S.J.

Hasouru eskriba no fariseu sira

1Tuir mai Jesus koalia ba ema lubun boot no ba nia eskolante sira dehan: 2“Eskriba no fariseu sira tur iha Moises nia kadeira. 3Ne’e duni, simu ba hodi halo tuir buat hotu nebe sira dehan ba imi; maibe keta tuir sira nia hahalok, basa sira koalia maibe la halo. 8Imi fali, keta husik ema hanaran imi ‘Rabbi’, basa imi nia Mestre ida deit, no imi hotu mesa maun alin. 9Keta bolu ema ida aman iha rai, basa imi nia Aman ida deit, nebe iha lalehan. 10Keta husik ema hanaran imi doutor, basa imi nia doutor ida deit: Kristu. 11Ida nebe boot liu iha imi le’et sei sai imi nia atan. 12Ida nebe foti an, Na’i sei hatun nia; ida nebe haraik an, Na’i sei hahi nia.”