1a Semana Tempu Kuaresma, Sábadu, loron 24, fulan Fevereiru, 2024 February 24, 2024
Reflection on the WORD
Maluk sira mak Kristu hadomi,
“Espetativa Fiar Jesus Nian”: Iha Evangelho ohin nian, Jesus haklaken Nia espetativa sira kona-ba fiar nian ba Nia eskolante sira no ema fiar na’in sira. Sira tenki hadomi sira nia inimigu sira, reza ba sira nia persegidor sira no hadomi perfeitamente hanesan Ninia Aman ne’ebé perfeitu. Reflete; enkuantu espetativa sira fiar Jesus Nian mak ezizente teb-tebes, espetativa sira ne’e mak dalan sira konkretu hodi banati tuir lolos Jesus.
Pe. Philip Heng, S.J.
Mt 5:43-48
Domin ba funubalun sira
43“Imi rona ema uluk dehan: ‘Hadomi o nia maluk, rai odi hasouru o nia funubalun.’ 44Ha'u fali dehan ba imi: ‘Hadomi imi nia funubalun sira, harohan ba sira nebe hanehan imi, 45atu imi sai imi Aman iha lalehan nia oan sira. Basa Nia halo loron sa’e ba ema aat no ba ema diak, halo mos udan ben tun ba ema laran los no ba ema laran la los. 46Basa imi hadomi karik ema nebe hadomi imi, imi sei simu kolen nebe? Publikano sira mos halo nune’e. 47Imi kumprimenta deit imi nia maun alin sira, imi halo buat foun sa ida? Ema gentiu sira mos la halo hanesan ne'e? 48Ne’e duni, imi sai diak los ba, hanesan imi nia Aman iha lalehan diak los.’”
Today's Pointers on God's Word
As you read the passage what words, phases or meanings caught your attention?
- · Maromak hanorin ita atu hadomi ita nia inimigu sira, basá Maromak hadomi ema hotu! Ita sente “enganadu?” Ita hein Maromak atu kastigu ita nia inimigu sira? Maibé Maromak mai atu salva ema hotu liu-liu maksalak sira.
- · Wainhira ita hetan difikuldade atu perdua, Maromak hakarak ita atu transende ita nia kanek emosional no koko hodi haré buat di’ak iha ema ida-idak.
-
· Ita hetan xamada atu dezenvolve atitude Kristaun nian ne’ebé hakbesik-an ba ema hotu, basá Maromak haré ema hotu iha kapasidade atu hadomi no importante liu-tan mak bele hetan salvasaun. Entaun, ita hetan konvite atu hadomi ema hotu ho dalan radikal hanesan Kristu hanorin ona.