DGEMs

Maluk sira mak Kristu hadomi,

“Fiar hatudu liu-hosi Asaun”: Iha Evangelho ohin nian, Jesus haklaken katak wainhira ita hasoru Na’i Nia julgamentu, wainhira ita mate, pergunta esensial ita tenki hatan mak “Oinsá mak ita uza tiha ona Maromak Nia bensaun abundante sira no hadomi hodi halo buat di’ak ba ema seluk?” Reflete; ita iha razaun hodi justifika ho “depois”, “tansá ha’u?” iha ita nia resposta sira atu serbí Maromak Nia hakarak liu-hosi tulun ema seluk wainhira sira presiza?

Pe. Philip Heng, S.J.

Justisa iha loron ikus

31“Wainhira Oan Mane mai iha nia gloria no nia  anju sira hotu hamutuk ho Nia, Nia sei tur iha nia kadunan gloria nian. 32Povu hotu sei halibur an iha nia oin. Nia sei haketak ema sira hanesan bibi atan haketak bibi malae housi bibi Timor. 34Tuir mai, liurai sei dehan ba sira nebe iha nia sorin kuana: ‘Mai, imi nebe Ha’u Aman fo bensa, mai simu nudar liman rohan reinu nebe hadia tiha ba imi houri mundu hahu. 35Basa Ha’u hamlaha, imi fo han Ha’u; Ha’u hamrook, imi fo hemu Ha’u; Ha’u la’o rai, imi simu Ha’u; 36Ha’u isin tanan, imi fo hatais Ha’u; Ha’u moras, imi ba hare Ha’u; Ha’u iha dadur laran, imi ba hare Ha’u.’ 37Iha oras ne’e ema diak sira sei hatan ba Nia: ‘Na’i, wainhira los mak ami hare Ita Boot hamlaha, ami fo han; hamrook, ami fo hemu? 38Wainhira los mak ami hare Ita Boot la’o rai, ami simu; eh ho isin tanan, ami fo hatais? 39Wainhira los mak ami hare Ita moras eh iha dadur laran, ami ba hare Ita?’ 40Liurai sei hatan ba sira: ‘Tebes, Ha’u dehan ba imi: wainhira imi halo buat ne’e ba ha’u nia alin kiik sira ne’e ida, imi halo mai Ha’u rasik.’”