DGEMs

Maluk sira mak Kristu hadomi,

“Fiar presiza Hakle’an”: Iha Evangelho ohin nian, eskolante sira presiza hakle’an sira nia fiar no halo klarifikasaun ba sira nia fiar, nune’e, Jesus esplika ba sira kona-ba milagre paun no ikan ne’ebé Nia halo ona. Reflete; “ita hotu presiza nafatin atu haka’as-an ho sinseridade, ho transparansia, no ho espíritu boot atu oinsá ita bele hakle’an ita nia relasaun ho Jesus lor-loron.”

Pe. Philip Heng, S.J.

Fariseu no Herodes nia fermentu

14Eskolante sira haluha lori paun. Sira iha paun fuan ida deit iha ro laran. 15Niahateten ba sira dehan: “Matan moris neon na'in ba kona ba fariseu no Herodes sira nia fermentu.” 16Sira dehan ba malu: “Ita la iha paun.” 17Jesus hatene sira nia hanoin, dehan ba sira, “Tan sa imi haksesuk malu katak imi la iha paun? Imi seidauk hare no komprende? Imi nia fuan sira tos hela ka? 18Imi matan iha maibe la hare? Tilun iha maibe la rona? Imi la hanoin hetan:19wainhira Ha’u silu paun fuan lima ba ema rihun lima, imi halibur paun rahun luhu hira?” Sira hatan, “Sanulu resin rua.” 20Wainhira Ha’u silu paun fuan hitu ba ema rihun haat, imi halibur fali paun rahun luhu hira?” Sira hatan, “Hitu." 21Nia dehan teni ba sira, “Imi seidauk komprende?”