DGEMs

Maluk sira mak Kristu hadomi,

“Buat hotu ne’ebé Jesus halo Furak”: Iha Evangelho ohin nian, ema lubun boot hetan inspirasaun kle’an liu-hosi Jesus Nia Domin Kompasivu ne’ebé kura ona ema tilun diuk no monok sira. Sira haksolok no haklaken, “buat hotu ne’ebé Jesus halo furak.” Reflete; ita iha fiar ne’ebé haksolok ho Jesus Nia di’ak, Kompaixaun no Domin ka ita mur-mura liu-tan duke ita agradese ba Maromak iha ita nia moris?

Pe. Philip Heng, S.J.

Jesus halo ema monok koalia

31Tuir mai, Jesus sai housi rai Tiro, hodi la'o housi rai Sidonia ba tasi Galileia, liu to'o baliza Dekapoli nian. 32Sira lori ba nia ema tilun diuk no monok, hodi husu Nia atu tau liman ba nia. 33Hadook tiha ema ne'e housi ema lubun boot, Jesus hatama nia limanfuan iha nia tilun, tafui hodi kona nia nanal, 34hafoin Nia foti matan ba lalehan, dada iis hodi dehan ba nia, “Effatha,” katak “Loke ba.” 35Ema ne'e nia tilun nakloke kedas, no buat nebe halo nia ibun tos sai tiha. Nia hahu koalia mo-mos. 36Jesus bandu sira atu la bele fo hatene buat ne’e, maibe liu Nia bandu sira, hetok sira fo hatene liu tan. 37Sira hakfodak hodi dehan: “Nia halo diak buat hotu; tilun diuk sira rona, monok sira mos koalia.”