DGEMs

Maluk sira mak Kristu hadomi,

“Maromak nia Sabedoria”-Fiar: Iha Evangelho loron ohin nian, Jesus haklaken ba ema lubun boot, “Reinu Maromak nian hanesan fini ida ne’ebé moris no buras be beik. Maibé oinsa mak nia bele buras, nem ema ida hatene.” Reflete; “Maromak horik iha nia kriatura sira hotu ho perfeitu, furak no iha unidade metin; úniku liu ba ita ema moris ne’ebé reflete Nia imagen no semelhansa. Ita preokupa no tau matan mós ba Maromak nia kriatura?

Pe. Philip Heng, S.J.

Aiknanoik musan nia

26Nia dehan mos, “Maromak nia reinu hanesan ne'e: Ema kuda musan iha rai. 27Kalan loron, nia toba ka hader, musan ne'e moris no sai boot; oin sa los, nia la hatene. 28Housi nia kbiit rasik, rai lori nia atu fo fuan: uluk dikin, hafoin fulin, no ikus mai trigu nebe tasak ona.29Wainhira trigu tasak ona, ema ne'e kaer tudik, basa tempu atu ko'a trigu to'o ona mai.”

Aiknanoik mustarda musan nian

            30Nia dehan tan; “Ita sei usa ilas ida nebe atu hatudu Maromak nia reinu? Ho aiknanoik sa mak ita sei hatudu nia? 31Nia hanesan mustarda musan ida nebe wainhira ema kari iha rai mak kiik liu musan sira hotu iha  raiklaran, 32maibe kuda tiha, nia moris no sai boot liu hodi hatubun sanak bo-boot atu nune'e manu sira iha lalehan bele subar an iha nia mahon.”