DGEMs

Maluk sira mak Kristu hadomi,

“Jesus nia Missaun atu kura”:Iha Evangelho loron ohin nian, ema lubun boot hakarak atu toka no kona Jesus, atu nune sira bele hetan kura ba sira nia moras no kura ba Espíritu aat ne’ebé iha sira nia laran. Reflete; bainhira ita iha dejezu atu buka hatene no hadomi Jesus ho domin pesoal ne’ebé kle’an, ho serteza Nia sei kura ita nia isin, emosaun no Espíritu aat, tuir Nia Aman nia hakarak no Nia dalan sira.

Pe. Philip Heng, S.J.

Jesus iha tasi ibun

               7Jesus la’o ba tasi ibun Galileia nian ho Nia eskolante sira. Ema lubun boot housi Galileia la'o tuir Nia.  8Housi Judeia, housi Jerusalem, housi Jordaun nia sorin no housi rai Tiro no Sidonia nia sorin sira, ema lubun boot nebe  rona kona ba buat hotu nebe Nia halo mai buka Nia. 9Nia haruka Nia eskolante sira atu hadia ro ida ba Nia atu ema lubun boot ne'e la bele hanehan Nia, 10basa Nia fo isin diak ba ema barak, no sira hotu nebe moras buka atu hakbesik no kona Nia. 11Espiritu foer sira nebe  hare Nia, monu iha Nia ain hodi hakilar ho lia maka'as, “Ita Maromak nia Oan!” 12Maibe Nia si’ak sira maka’as atu la bele fo hatene Nia se.