DGEMs

Maluk sira mak Kristu hadomi,

“Apostolu sira nia Vokasaun” - Fiar:Iha Evangelho loron ohin nian, Jesus bolu João, André, Simão Pedro no apostolu rua seluk atu tuir Nia. Sira hotu hatan ho fuan nakloke no konfiansa, katak Jesus sei transforma sira nia moris. Reflete; “los duni, katak, Maromak nia hakarak mak sei kumpri no ksolok, wainhira ita iha fidelidade ida ho haraik-an atu hadomi no serbí Nia; maski ita hasoru susar sira iha ita nia dalan.”   

Pe. Philip Heng, S.J.

Jesus hahu bolu eskolante sira

                    35Liu tiha loron ida, Joao sei hela ho nia eskolante na’in rua. 37Hare Jesus liu dau-daun, nia dehan: “Hare ba, Maromak nia Bibi Oan mak neba!” 37Rona tiha lia hirak ne’e, eskolante na’in rua ne’e la’o tuir Jesus. 38Hare sira tuir Nia, Jesus fila hodi husu ba sira: “Imi buka sa ida?” Sira hatan: “Rabbi, katak ‘Mestre’, Ita horik iha nebe?” 39Jesus dehan: “Mai hodi hare.” Nee duni, sira ba hodi hare Nia horik iha nebe. Iha loron ne’e, sira hela ho Nia; kala tuku haat loraik. 40Sira na’in rua nebe rona Joao hodi tuir Jesus, ida mak Andre, Simao Pedro nia alin. 41Nia hetan uluk nia maun, Simao hodi dehan ba nia: “Ami hetan ona Messias!” katak “Kristu.” 42Nia lori Simao ba Jesus. Jesus fihir nia dehan: “O Simao, Joao nia oan; o sei hanaran an Cefas, katak Pedro.”