DGEMs

Maluk sira mak Kristu hadomi,

“Jesus haré ita nia fuan” - Fiar:Iha Evangelho loron ohin nian, Jesus bolu Mateus, Kobrador imposto nian, sala nain públiku ida, atu sai nia apostulu. Reflete; Jesus sentí katak Mateus husik tiha nia sala sira, no deseja atu serbí no to’o bele mate mós ba Maromak nia Reinu. Ita reza husu grasa atu bele sai hanesan Mateus; ema Maksalak ida, maibé mós ema ida ne’ebé depois hakarak atu hadomi no serbí Maromak ho nia-an tomak.”   

Pe. Philip Heng, S.J.

Jesus bolu Levi

            13Jesus sai fali ba tasi ibun. Ema barak ba hasouru nia. Nia hanorin sira. 14Tuir dalan, Nia hare Levi, Alfeu nia oan, tur iha nia fatin hodi kobra osan. Jesus dehan ba nia, “Mai, tuir Ha’u.” Nia hamriik hodi tuir Jesus. 15Wainhira Jesus han iha nia uma, publikanu balun no ema maksalak sira tur hamutuk ho Jesus ho nia eskolante sira, basa barak housi sira le’et tuir Nia. 16Eskriba sira housi fariseu sira nia sorin hare katak Nia han hamutuk ho ema maksalak ho publikanu sira. Sira dehan ba Nia eskolante sira, “Tansa Nia han hamutuk ho publikanu no ema maksalak sira?” 17Jesus, rona hotu ne'e, hatan ba sira, “La'os ema isin diak mak presisa doutor, maibe sira nebe moras. Ha’u la mai  atu bolu ema diak, maibe ema maksalak sira.”