1ª Semana Tempu Komun: Kuarta-feira, loron 10, Janeiru, 2024 January 10, 2024
Reflection on the WORD
Maluk sira mak Kristu hadomi,
Jesus- Liafuan Diak:Iha Evangelho loron ohin nian, Jesus kura ema wain ne’ebé mak moras no duni sai demônio husi sira. Ema lubun hakilar hodi bolu Nia. Maibé, Jesus hakat ba oin hodi haklaken Liafuan Diak Salvasaun nian ba aldeia sira seluk iha Galileia. Reflete; “Bainhira ema hahi ita ba ita nia serbisu diak sira, ita halo hanesan Jesus ka la’e, ka ita halo kontrariu hodi taka matan ba serbisu ne’ebé tuir Maromak nia hakarak lolos?
Pe. Philip Heng, S.J.
Mk 1:32-39
32Iha loraik, loron monu tiha, ema lori ba Nia ema moras sira hotu no sira nebe iha diabu iha laran. 33Sidade tomak mai halibur an hamutuk iha odamatan. 34Nia fo isin diak ba ema barak nebe terus moras oi-oin, hodi duni sai diabu barak. Maibe Nia la husik diabu sira koalia, basa sira hatene Nia.
Jesus hanorin iha Galileia
35Dadersan nakukun, Nia hamriik, sai ba fatin fuik ida hodi harohan. 36Simao ho nia maluk sira buka tuir Nia. 37Hetan tiha Nia, sira dehan: “Ema hotu buka Ita.” 38Nia hatan ba sira, “Ita ba fatin seluk, iha knua sira besik atu Ha’u haklaken mos iha neba, basa tan ne’e mak Ha’u mai.” 39Nia ba haklaken iha sinagoga sira Galileia tomak nian hodi duni sai diabu sira.
Today's Pointers on God's Word
As you read the passage what words, phases or meanings caught your attention?
- Evangelho haktuir ba ita katak Jesus hala’o moris ne’ebé okupadu tebtebes bainhira nia to’o iha Nia obra públiku, nia hatudu hodi oferese serbisu iha asun karidade nian hodi serbí ema moras no ema sira ne’ebé marginalizado dook husi ema seluk.
- Durante nia moris iha nia obra públiku, Jesus hanorin ita atu hases-an mós husi ita nia serbisu lor-loron nian ne’ebé hatan ema wain nia hakarak atu bele fó tempu mós konekta ho Aman Maromak iha orasaun.
- Reflete kona-bá buat diak sira ne’ebé Maromak kontinua fó ba ita iha ita nia moris, fó tempu ba ita nia an nafatin, reza no hein iha Maromak no rona ba Maromak nia lian.