DGEMs

Maluk sira mak Kristu hadomi,

Jesus- Autoridade: Iha Evangelho loron ohin nian, Jesus impresiona ema wain wainhira Nia hanorin iha sira iha sinagoga no duni sai Espíritu aat husi ema sira nia laran; ho “autoridade”. Reflete; bainhira iha ita nia sasin moris Maromak mak iha sentru ba ita nia moris lor-loron nian, ita nia kredibilidade sei dada ema seluk mós ba Maromak, no ita sei ‘ko’alia’ ho ‘autoridade’ nu’udar hatudu nia an iha ita nia asaun ne’ebé mak ko’alia liu fali ita nia liafuan sira iha ibun.

Pe. Philip Heng, S.J.

Ema ida ho espiritu foer

            21Sira ba to'o Kafarnaum. Wainhira loron Sabadu to'o, Nia tama iha sinagoga hodi hanorin. 22Ema sira hakfodak ho Nia hanorin, basa Nia hanorin hanesan ema nebe iha kbiit, la'os hanesan eskriba sira. 23Teki-teki, mane ida ho diabu iha nia laran mosu iha sinagoga hodi hakilar dehan: 24“Iha buat sa iha ami no O nia le’et, Jesus Nazare? O mai atu halakon ami? Ha’u hatene O se los: O Maromak nia  santu!” 25Maibe Jesus lia tun ba nia hodi dehan: “Nonok no sai housi nia!” 26Espiritu foer ne’e doko maka'as ema ne'e hodi hakilar, hafoin sai housi nia. 27Ema sira hakfodak teb-tebes. Nune'e, sira husu ba malu dehan: “Sa mak ne'e? Hanorin foun ida ho kbiit! Nia haruka espiritu foer sira no sira halo tuir Nia.”