DGEMs

Maluk sira mak Kristu hadomi,

Disciplu sira - fiar nain: Iha Evangelho loron ohin nian, João no discípulu nain rua husu ba Jesus, “Ita hela iha ne’ebé?” ida tamba momentu nebá sira nia fuan nakonu ho hakarak ne’ebé kle’an atu koñese Jesus, ne’ebé mak Messias, ho kle’an liu tan. Reflete; “Ita iha deseju no hakarak atu koñese Jesus kle’an ka la’e?, atu hadomi no serbí Jesus, hanesan Jesus nia discípulu ida iha mundu ohin loron nian, iha ne’ebé lia los kona-bá Jesus nian ema bobar no la fiar?”

Pe. Philip Heng, S.J.

Jesus hahu bolu eskolante sira

                  35Liu tiha loron ida, Joao sei hela ho nia eskolante na’in rua. 37Hare Jesus liu dau-daun, nia dehan: “Hare ba, Maromak nia Bibi Oan mak neba!” 37Rona tiha lia hirak ne’e, eskolante na’in rua ne’e la’o tuir Jesus. 38Hare sira tuir Nia, Jesus fila hodi husu ba sira: “Imi buka sa ida?” Sira hatan: “Rabbi, katak ‘Mestre’, Ita horik iha nebe?” 39Jesus dehan: “Mai hodi hare.” Nee duni, sira ba hodi hare Nia horik iha nebe. Iha loron ne’e, sira hela ho Nia; kala tuku haat loraik. 40Sira na’in rua nebe rona Joao hodi tuir Jesus, ida mak Andre, Simao Pedro nia alin. 41Nia hetan uluk nia maun, Simao hodi dehan ba nia: “Ami hetan ona Messias!” katak “Kristu.” 42Nia lori Simao ba Jesus. Jesus fihir nia dehan: “O Simao, Joao nia oan; o sei hanaran an Cefas, katak Pedro.”