DGEMs

Maluk sira mak Kristu hadomi,

João Batista:Iha Evangelho loron ohin nian, João Batista la glorifika nia-an, maibé iha haraik-an nia laran haklaken daudauk ona lia los kona-bá Jesus nu’udar Messias, wainhira nia dehan, “Atan ha’u la soin atu kore sinelus talin iha Nia ain.” Reflete; se ita ko’alia lialos ho lolos hodi fó glória ba Maromak de’it iha ita nia moris lor-loron se diak liu fali, moris ne’ebé ita buka proteje de’it ita nia-an ho ita nia interese sira no tauk atu ema seluk la simu ou hewai ita?

Pe. Philip Heng, S.J.

Joao fo sasin kona ba nia an

                  19Ne’e mak Joao nia sasin wainhira Judeu sira housi Jerusalem haruka amlulik no levita sira atu husu nia: “O se los?” 20Nia dehan sai, la heli lia maibe simu dehan: “Ha’u la’os Messias.”   23Nia hatan: “Ha’u mak lia nebe hakilar iha rai fuik maran. Halos Na’i nia dalan, nudar profeta Isaias dehan.” 24Sira ne’e fariseu sira mak haruka, 25sira husu ba nia dehan: “O la’os Messias, la’os Elias, la’os profeta: nusa mak o sarani ema?” 26Joao hatan ba sira dehan: “Ha’u sarani ho be, maibe iha imi nia leet iha Ida nebe imi la hatene, 27nebe ha’u la soi atu kore nia sandalias tali.” 28Buat ne’e mosu iha Betania, iha mota Jordao nia sorin ba, iha nebe Joao sei sarani hela.