Maria, Maromak nia Inan: Segunda-feira, loron 1, fulan Janeiru, 2024 January 1, 2024
Reflection on the WORD
Maluk sira mak Kristu hadomi,
Tinan Foun – Fiar: iha Evangelho loron ohin nian, Maria tetu no rai didiak Maromak nia Liafuan Diak husi bibi atan sira ne’ebé glorifika no hahí Maromak tamba haruka Mesias ba mundu no moris nu’udar ema. Reflete; Ita husu ba ita nia-an; se ita nia fuan rai didiak mós Maromak nia Liafuan Diak hanesan ho Maria nian, no glorifika no hahí Maromak hanesan ho bibi atan sira? Mai ita harohan grasa hirak ne’e ba tinan foun 2024 ida ne’e.
Pe. Philip Heng, S.J.
Lk 2:16-21
16Sira ba lalais, hodi hetan duni Maria, Jose no Kosok Oan toba hela iha balada han fatin. 17Hare tiha Nia, sira haktuir buat nebe anju sira hateten kona ba kiik oan ne’e. 18Ema hotu nebe rona bibi atan sira hakfodak ho sira nia liafuan. 19Maria fali rai hela liafuan hirak ne’e hotu, hodi hanoin tuir di-diak iha nia laran. 20Bibi atan sira fila ba uma hodi hahi hawelok Maromak tan buat hotu nebe sira hare no rona, nudar anju sira fo hatene nanis. 21Liu loron ualu, wainhira labarik atu simu sirkunsisaun, sira hanaran Nia Jesus, nudar anju fo hatene molok nia inan ko’us.
Today's Pointers on God's Word
As you read the passage what words, phases or meanings caught your attention?
- Ita mós rona dau-daun Liafuan Diak Jesus nia Moris, Maromak nia enkarnasaun iha ita nia moris haklaken tiha ona ba ita ho maneira oi-oin. Ita fahe ka la’e Liafuan Diak ne’e ho fuan naroman no ksolok ne’ebé boot hanesan bibi atan sira, ho ita nia família no visinhu sira no ema sira ne’ebé besik ba ita?
- Hanesan Maria, ita tetu no rai didiak ka la’e Maromak nia Liafuan Diak ne’ebé fó ba ita moris rohan la’ek ba ita? Halo diak liu tan ida ne’e, ita fó tempu lor-loron atu diserne no reza hodi nune’e ita bele sai konsiente liu tan oinsa ita bele moris tuir Liafuan Diak iha loron ba loron?
- Hanesan bibi atan sira, mai ita agradese no fó glória ba Maromak ne’ebé anunsia ba ita no hili ona ita atu sain nia mensazeiro ba ema hot-hotu.