Oitava de Natal: Sábadu, loron 30, fulan Dezembru, 2023 December 30, 2023
Reflection on the WORD
Maluk sira mak Kristu hadomi,
Sasin Anna nian – Fiar: Iha Evangelho ohin proclama kona-bá profetaAnna ne’ebé serbí ona Templu Jerusalem nian; kalan no loron, ho hadera-an no orasaun. Nia hetan bensaun especial husi Na’i Maromak atu haré Kosok Oan Messias; no hahí Maromak. Reflete: “Wainhira ita nia fuan no moris hadomi no serbí Maromak no Nia vontade ho dedikasaun kle’an, Maromak sei nunka falha atu pessoalmente rekompensa ita.”
Pe. Philip Heng, S.J.
Lk 2:36-40
36Iha mos feto duina ida, naran Ana, Fanuel housi suku Aser nia oan. Nia otas boot ona. Liu tiha nia tempu fetoran nian, nia moris ho nia laen ba tinan hitu; 37hafoin nia moris nudar feto faluk to’o nia tinan ualu nulu resin haat. Nia la husik templu, maibe serbi Maromak kalan loron, hodi halo jejum no hamulak. 38Iha oras neba, nia mai hodi fo agradese ba Na’i no koalia kona ba Labarik ne’e ba sira hotu nebe hein maksoin Jerusalem nian. 39Halo tuir tiha buat hotu nebe Na’i nia ukunfuan haruka, sira fila fali ba Galileia, ba sira nia sidade iha Nazare. 40Labarik oan mos sai boot ba dau-daun no maka’as liu tan, nakonu ho matenek, no Maromak nia grasa hela hamutuk ho Nia.
Today's Pointers on God's Word
As you read the passage what words, phases or meanings caught your attention?
- · Anna, feto devoto ida ba Maromak, bele sente presenza Maromak nian no divindade iha Kosok Oan Jesus. Nia sente movida ho Espíritu atu profesia saida mak atu akontese ba Jesus.
- · Dom atu bele sente prezensa Maromak nian no sentidu kle’an moris bele heta mos iha ita nia moris, se ita fokus ba Maromak iha ita nia moris lor-loron.
- · Qualquer tempu ita sente Maromak hanesan dok ou wainhira ita sente dok mós husi Nia iha ita nia moris lor-loron, ita bele iha certeza katak ita nia fokus liu tiha ba ita nia-an rasik nia necesidade duke Maromak nian iha ita nia moris.