DGEMs

Maluk sira mak Kristu hadomi,

“La hanoin-an total” – Fiar: Iha Evangelho ohin, ema lubun boot  mai haré Jesus. Nia kura ema moras isin maten ida atu prova ba sira katak Nia mak Messias ne’ebé fó perdaun salan sira humanidade nian no oferese Salvasaun Rohan la’ek. Reflete: “Ita mak finito, frágil no salan-nain.  Ne’e mak sabedoria divina atu komete ita nia moris atu hadomi, fiar no serbí Maromak iha buat hot-hotu.”

Pe. Philip Heng, S.J.

Ema isin tos ida hetan isin diak

            17Loron ida, wainhira Jesus tur hodi hanorin, fariseu no doutor ukunfuan nian balun mos tur iha neba. Sira mai housi knua hotu Galileia nian, housi Judeia no mos housi Jerusalem. Maromak nia kbiit atu fo isin diak hela ho Nia. 18Iha oras neba, ema balun mai lori ema isin mate ida iha nia tobafatin. Sira buka hatama nia ba laran no tau nia iha Jesus nia oin; 19maibe, tamba ema barak, sira la hetan fatin atu hatama nia. Sira sa’e ba uma nia kakuluk no housi tejolo sira, sira hatun nia iha nia tobafatin ba Jesus nia oin iha ema sira le’et. 20Hare tiha sira nia fiar, Jesus dehan: “Katuas, o nia sala sira kasu tiha ona.” 21Eskriba no fariseu sira hahu hanoin: “Se mak ema ne’e nebe hateten aat Maromak? Se mak bele perdua sala sira? Maromak deit mak bele!” 22Maibe Jesus hatene sira nia hanoin. Tan ne’e Nia hatan ba sira dehan: “Imi hanoin sa ida iha imi nia laran? 24Ne’e duni, atu imi bele hatene katak Oan Mane iha kbiit iha rai atu kasu sala,” Nia dehan ba ema isin mate:  “Ha’u haruka o: hamriik ba, foti o nia tobafatin hodi la’o ba o nia uma!” 25Ema ne’e hamriik kedas iha sira nia oin, foti tobafatin nebe uluk nia toba hela no la’o ba uma hodi hahi Maromak.