DGEMs

Maluk sira mak Kristu hadomi,

“Bem-aventuransa”: Iha Evangelho ohin nian, Jesus hanorin Nia eskolante sira oinsá atu hadomi Maromak tuir Maromak nia vontade no maneira sira, liu husi proklama “Bem-aventuransa”. Reflete; “wainhira ita hadomi Maromak ho ita nia fuan, hanoin, no klamar tomak, ita bele esperiênsia Maromak nia domin iha inspirasaun divina ne’ebé laiha ema ida mak bele fó mai ita.” Wainhira mak ita esperiênsia “Bem-aventuransas ida ne’e”?

Pe. Philip Heng, S.J.

Liafuan ksolok sira nian

            1Haré tiha ema lubun boot, Jesus sa'e ba foho ida. Wainhira Nia tur tiha, eskolante sira hakbesik ba Nia. 2Nia hahu hanorin sira hodi dehan: 3“Ksolok ba ema sira ne’ebé kiak iha laran, basa reinu lalehan sira nian. 4Ksolok ba sira ne’ebé tanis, basa sira sei hetan ksolok; 5ksolok ba sira ne’ebé laran kmaus, basa sira sei simu rai nudar liman rohan. 6Ksolok ba sira ne’ebé hamlaha no hamrook ba justisa, basa sira sei bosu. 7Ksolok ba sira ne’ebé laran luak, basa sira sei hetan laran luak. 8Ksolok ba sira ne’ebé laran mos, basa sira sei haré Maromak. 9Ksolok ba sira ne’ebé harii dame, basa ema sei hanaran sira Maromak oan. 10Ksolok ba sira ne’ebé ema fo terus tan buka justisa, basa reinu lalehan sira nian. 11Ksolok ba imi wainhira, tamba Ha'u, ema hateten aat imi, duni imi no bobar lia bosok hasouru imi. 12Imi  haksolok ba, foti neon ba, basa imi nia kolen boot liu iha lalehan; basa nune'e mos mak sira duni profeta sira ne’ebé mai uluk liu imi.”