30ᵃ Semana Tempu Komun: Segunda-feira, loron 30, fulan Outubro, 2023 October 30, 2023

Reflection on the WORD

Maluk sira mak Kristu hadomi,

 

"Amor Compassivo – Fé: iha Evangelho ohin, Jesus nia Kompaixaun de Jesus bot liu Lei Sabath nian. Jesus kura feto nebe espiritu aat halo nia moras to’o aleijada durante tinan sanulu resin walu ona. Reflete:  wainhira iha Kompaixaun duni, ita sei sai husi ita nia-an hodi tulun sira nebe mais necessitados iha moris. Wainhira ita iha razaun oi-oin hodi la tulun ema seluk, ida ne’e sinal katak ita nia Domin no Kompaixaun ba Maromak la kle’an.

Pe. Philip Heng,S.J.

Lk 13:10-13,14b-15a,16

10Iha loron Sabadu ida Jesus hanorin iha sinagoga. 11Iha neba iha feto nebe espiritu aat ida halo moras tinan sanulu resin ualu ona: nia la’o hakru’uk deit, la bele hamriik los. 12Hare tiha nia, Jesus bolu nia hodi dehan ba nia: “Feto, o nia moras la iha ona.” 13Hafoin Nia tau liman ba nia. Iha oras ne’e kedas, feto hamriik los hodi hahi Maromak. 14Maibe na’i ulun sinagoga nian hirus tamba Jesus fo isin diak iha loron Sabadu; nia dehan ba ema sira: “Iha loron neen atu serbisu; ne’e duni, mai iha loron hirak ne’e; keta mai iha loron Sabadu.” 15Maibe Na’i hatan ba nia dehan: “Laran makerek sira, imi la kore imi nia karau eh kuda housi nia luhan iha loron Sabadu, hodi lori nia ba hemu? 16Ne’e duni, feto ne’e, Abraao nia oan, nebe diabu kesi ba tinan sanulu resin ualu ona, la soi atu kore tiha mos iha loron Sabadu?” 17Dehan tiha nune’e, nia funubalun sira moe hotu, maibe povu tomak haksolok tamba hahalok kmanek sira nebe Nia halo.

Today's Pointers on God's Word

As you read the passage what words, phases or meanings caught your attention?

  • •        Maromak la deskansa iha loron Na’i nian. Nia kontinua hatudu ba ita nia Mizerikordia no Domin Deus ba sira nebe necessitados, liu-liu sira nebe mak iha experiensia terus no susar.
  • •        Kompaixaun bot nebe mak Jesus iha lori ka dudu nia atu konfronta Farizeu, Eskriba no lider relijiozu sira nebe mak obedese deit Lei Sabadu nian. Kompaixaun mak sai prioridades hodi humaniza ita tamba lei sira limita ita atu tulun ema seluk. 
  • •        Hanesan Cristaun, ita nia missaun hodi haklaken Liafuan Diak Cristo nian tenki revela ka manifesta iha ita nia Amor no Mizerikordia ba ema seluk hanesan Jesus hatudu ona mai ita iha Evangelho ohin. Oinsa mak ita hatudu ita nia Kompaixaun ba ema seluk iha ita nia moris lorloron nian?