DGEMs

Maluk sira mak Kristu hadomi,

"Matan Moris, Neon Na’in": iha Evangelho ohin, Jesus proklama katak kuandu individuo ida vive fiar ida nebe kle’an no vigilante, Maromak sei konfia nia ho responsabilidade barak liu tan. Reflete: Sim, sira nebe mak seriu ho sira nia fiar hodi fiel no humilde, sira sei hetan grasa barak liu tan husi Maromak. No sira nebe fiar fraku prefere atu iha responsabilidade nebe menus no la entrega-an hodi hadomi Maromak seriu liu tan iha sira nia moris.

Pe. Philip Heng,S.J.

39Imi rona di-diak ba: uma na’in hatene karik tuku hira mak na’okten atu mai, nia sei la husik nia tama iha nia uma. 40Imi hein hela ba, basa iha oras nebe imi la hanoin kona, Oan Mane sei hiit an mai.” 41Pedro dehan ba Nia: “Na’i, Ita haktuir aiknanoik ida ne’e ba ami deit, ka ba ema hot-hotu mos?” 42Na’i simu: “Se mak atan diak no matenek nebe uma na’in haruka atu hare nia familia hodi fahe aihan ba sira tuir oras lo-los? 43Ksolok ba atan nebe nia na’in hetan halo nune’e wainhira nia to’o mai. 44Tebes, Ha’u dehan ba imi katak nia sei fo knaar ba atan ne’e atu hare nia rikusoi tomak. 45Maibe atan ne’e dehan karik ba nia an: ‘Ha’u nia na’i kleur atu to’o mai,’ hafoin hahu baku atan mane no feto sira, hodi han no hemu to’o lanu, 46nia na’i sei to’o mai iha loron nebe nia la hein no iha oras nebe nia la hanoin, na’i sei fo todan ba nia, hodi tau nia hamutuk ho ema aat sira. 47Atan nebe hatene nia na’i nia hakarak, maibe la hadia an hodi halo tuir buat nebe nia husu, sei hetan kastigu barak. 48Maibe atan nebe la hatene, no halo buat nebe soi kastigu, sei hetan kastigu kmaan deit. Ba ema nebe simu barak, sei husu mos barak; no ema nebe simu knaar boot, barak liu mak ema sei husu ba nia.”