29ᵃ Semana Tempu Komun: Domingo, loron 22, fulan Outubro, 2023 October 22, 2023
Reflection on the WORD
Maluk sira mak Kristu hadomi,
"Hipokrizia iha Fiar ba Maromak": iha Evangelho ohin, ema farizeu sira tenta atu kria laxu ida hodi denunsia no destroi Jesus ninia reputusaun Divina. Ema farizeu sira halo ida ne’e tamba Jesus nia ser no asaun sira atrai seguidores barak los. Reflete: Hipokrizia iha ita fiar ne’e pekadu ida nebe promove ita nia gloria rasik uza Maromak nia naran hanesan ema farizeu sira nebe denunsia Maromak nia Reinu.
Pe. Philip Heng,S.J.
Mt 22:15-21
15Tuir mai, fariseu sira halibur an hamutuk hodi futu lia oin sa sira bele kaer Nia iha liafuan ruma. 16Sira haruka sira nia eskolante sira hamutuk ho herodianu sira atu dehan ba Nia: “Mestre, ami hatene katak Ita koalia lialos, Ita hanorin Maromak nia dalan ho lialos, la tauk ema ida, basa Ita la fihir ema. 17Ne’e duni, dehan mai ami Ita hanoin oin sa: bele selu impostu ba Cesar ka lae?” 18Tan hatene sira nia laran aat, Jesus hatan: “Laran makerek sira; tansa imi babeur Ha’u? 19Hatudu osan impostu nian mai” Sira hatudu denariu ida ba Nia. 20Nia husu: “Ilas ho buat hakerek ne’e se nian?” 21Sira hatan: “Cesar nian” Ho ne’e, Jesus dehan ba sira: “Ne’e duni, imi fo ba Cesar buat nebe Cesar nian, no ba Maromak buat nebe Maromak nian.”
Today's Pointers on God's Word
As you read the passage what words, phases or meanings caught your attention?
- · Iha Evangelho ohin, Jesus la’os koalia deit atu ita fo ba César buat nebe César nian, maibe Jesus mos hatudu ba ita katak ita presiza fo ba Maromak buat hotu nebe pertense ba Maromak.
- · Se ita fo bebeik ba Maromak buat hotu nebe pertense ba Maromak, ita sei hetan paz iha ita nia fuan no alegria nebe hakonu ita nia moris. Paz no alegria nebe ita labele sosa ho riqueza nebe mak ita iha.
- · Buat hotu nebe mak ita iha ne’e grasa husi Aman Maromak iha Lalehan. Reflete hodi husu pergunta ida ne’e; ita uza Maromak nia grasa ka dons sira hodi ajuda ita nia-an rasik no ita nia familia deit? Ka ita uza dons sira Maromak nian ne’e hodi tulun sira nebe mais necessitados, marginalizados no pobres iha Maromak nia Reinu iha ita nia mundu ida ne’e?