28ᵃ Semana Tempu Komun: Sábado, loron 21, fulan Outubro, 2023 October 21, 2023
Reflection on the WORD
Maluk sira mak Kristu hadomi,
"Pekadu ka sala sira kontra Espírito Santo": Iha Evangelho ohin, Jesus koalia ho lian makas katak "blasfêmias ka pekadu kontra Espírito Santo sei la hetan perdaun husi Maromak”. Reflete: Sala kontra Espírito Santo mak pekadu nebe sério los tamba sala ida ne’e konsidera Maromak hanesan diabo ka maldade. Sala kontra Espiritu Santu kontra Maromak no Igreja, hanesan adora espiritu att sira. Sala sira hanesan ne’e rejeita Maromak nia miserikordia no Domin. Ho pekadu sira hanesan ne’e, oinsa mak bele hetan perdaun husi Maromak?
Pe. Philip Heng,S.J.
Lk 12:8-12
8Ha’u dehan los ba imi katak ema nebe hatene Ha’u iha ema nia oin, Oan Mane mos sei hatene nia iha Maromak nia anju sira nia oin. 9Maibe ema nebe heli lia kona ba Ha’u iha ema nia oin, Maromak nia anju sira mos sei heli lia kona ba nia. 10Ema nebe koalia aat hasouru Oan Mane, sei hetan perdua; maibe ema nebe hateten aat Espiritu Santu sei la hetan perdua. 11Wainhira sira lori imi ba sinagoga sira, ba juiz no ba na’i ulun sira, keta hanoin resin kona ba oin sa imi sei hatan eh koalia, 12basa iha oras neba Espiritu Santu sei hanorin imi buat nebe imi sei dehan.”
Today's Pointers on God's Word
As you read the passage what words, phases or meanings caught your attention?
- · Jesus fo hanoin ita kona ba pekadu sira nebe kontra Espirito Santo. Pekadu kontra Espirito Santo la hetan perdua wainhira individuo ida ho livre rejeita Maromak no hili atu kontiua hela iha pekadu nia laran iha nia moris.
- · No entanto, Maromak nia Domin no Mizerikordia sempre buka atu manan ka salva klamar sira nebe mak moris iha nakukun laran. Maromak nia Domin no Mizerikordia inkondisional ba ita, liu-liu ba sira nebe mak moris iha pekadu grave nia laran.
- · Bele reflete ho pergunta ida ne’e, Jesus mak o nia Na’i no Salvador iha o nia moris? Oinsa o nia vivensia fiar nian ka sasin fiar nian nebe hatudu katak o tau duni Jesus hanesan Na’i no Salvador?