DGEMs

Maluk sira mak Kristu hadomi,

"Medos ka tauk sira – Fiar: iha Evangelho ohin, Jesus haklaken ba ema multidões atu “labele tauk sira nebe mak bele oho isin lolon, maibe presiza tauk Ida nebe mak iha poder hodi tau ita iha inferno”. Dalabarak ita nia tauk sira iha relasaun ba ita nia incertezas sira kona ba futuru, familia, saúde, riqueza, no popularidade. Jesus konvida ita atu tauk ba Ida nebe bele na’uk ka hasai tiha ita nia oportunidade hodi hetan  Vida Eterna wainhira ita nia viagem mundu ne’e nian remata.

Fr Philip Heng,S.J.

1Tuir mai, wainhira ema lubun boot teb-tebes halibur an hamutuk to’o sira hanehan malu, Jesus hahu koalia ba nia eskolante sira dehan: “Imi matan moris ba kona ba fariseu nia fermentu, katak sira nia laran makerek. 2Buat hotu nebe taka hela, sei nakloke; no buat hotu nebe subar hela, sei fo hatene sai. 3Tan ne’e, buat nebe imi dehan iha nakukun laran, ema sei rona iha loron nabilan; no buat hotu nebe imi hateten nei-neik ba ema nia tilun sub-subar, ema sei fo sai maka’as iha uma nia kakuluk. 

4Ha’u nia belun sira, Ha’u dehan ba imi: keta tauk sira nebe oho isin, hafoin la bele halo tan buat ida. 5Ha’u sei dehan ba imi se los mak imi ten ke tauk: imi sei tauk ida nebe, oho tiha isin, iha mos kbiit atu soe ema ba infernu. Tebes, Ha’u dehan ba imi, Nia mak imi ten ke tauk.