DGEMs

Maluk sira mak Kristu hadomi,

"Hipokrizia iha vivensia fian nian": Iha Evangelho ohin, Jesus hakriak ema farizeu nno eskriba sira tan sira hipokrizia iha sira nia vivensia fiar nian. Iha oin, sira hatudu katak sira besik los ba Maromak maibe realidade hatudu katak sira moris nakunu ho pratika injustisa nebe hakanek no hamate ema barak nia moris.  Reflete: examina tok oinsa ita pratika ita nia fiar iha ita nia moris, ita nia vivensia fiar nebe hatudu fidelidade no humildade; hanesan santo no santa sira nebe fiel los ba sira nia dalan vokasaun nian. 

Pe. Philip Heng,S.J.

47Susar ba imi nebe hada rate profeta sira nian: maibe imi nia bei ala sira rasik mak oho sira! 48Nune’e imi fo sasin, hodi hakarak mos imi nia bei ala sira nia hahalok sira; basa sira mak oho, imi mak hada rate. 49Tan ne’e Maromak nia matenek dehan: ‘Ha’u sei haruka profeta no apostolu sira ba sira; balun sira sei duni sai no oho,’ 50atu ema otas ne’e nian sei hatan kona ba profeta sira hotu nia ran, nebe nakfakar houri mundu hahu, 51housi Abel nia ran to’o Zacarias nian, nebe ema oho iha altar no santuariu nia klaran. Tebes, Ha’u dehan ba imi, ema sira ne’e sei hatan kona ba buat hirak ne’e hotu. 52Susar ba imi, doutor ukunfuan sira nian, nebe hadau tiha  siabe  matenek nian! Imi rasik la tama, no imi taka netik dalan ba sira nebe hakarak tama.” 

53Wainhira Nia sai housi neba, eskriba no fariseu sira hahu haksesuk maka’as ho Nia, hodi  koko halo Nia koalia kona ba buat barak. 54Sira buka atu halo Nia sidi ho Nia liafuan atu nune’e sira bele du’u Nia.