DGEMs

Maluk sira mak Kristu hadomi,

"To’os bot – Fiar: iha Evangelho ohin, Jesus haruka discipulu na’in 72 hodi ba proklama Maromak nia Reinu liu-liu Paz Maromak nian ba ema hotu nebe sei lori salvasaun eterna. Jesus akresenta katak “Na’i nia to’os  bot maibe servisu na’in it’oan deit”. Reflete: ita hotu nebe mak simu ona Dom fiar nian, iha responsabilidade hodi sai sasin no lori Paz Maromak nian ba ema seluk, tamba ema barak mak sei hamrok ba Maromak nia Domin no Paz iha sira nia fuan.

Pe. Philip Heng,S.J. 

1 Ne’e hotu tiha, Na’i fihir eskolante hitu nulu resin rua tan, hodi haruka sira rua rua atu ba uluk iha sidade no fatin sira nebe Nia atu ba. 2Nia dehan ba sira: “To’os boot duni, maibe serbisu na’in sira uitoan deit. Tan ne’e, husu to’os na’in ba atu haruka serbisu na’in sira ba Nia to’os. 3La’o ba. Ha’u haruka imi ba nudar bibi oan sira iha asu fuik sira le’et. 4Keta lori bukae, kohe eh sandalias. Keta kumprimenta ema ida iha dalan. 5Imi tama karik iha uma ida, uluk knanain dehan: ‘Dame ba uma ne’e!’ 6Iha karik ema dame na’in ida iha neba, imi nia dame sei horik ho nia; lae karik, sei fila fali ba imi. 7Hela iha uma ne’e ba, han hemu buat nebe sira iha; basa serbisu na’in soi atu simu nia kolen.