DGEMs

Maluk sira mak Kristu hadomi,

“Dom fiar nian nebe ita la merese: Iha Evangelho ohin, Jesus proklama Liafuan Diak Salvasaun nian ne’e DOM ida, grasa ida nebe ita la merese maibe Maromak hakarak haraik mai ita. Reflete: Jesus fo hanoin ba ita atu valoriza didiak ita nia fiar nebe Maromak haraik mai ita gratuitamente. Atu ita labele konsentra deit hodi buka lukru iha moris ne’e ho rikusoin mundu nian. Ita nia moris iha mundu ne’e temporario deit, wainhira ita mate, ita sei ba hasouru Maromak nebe sei husu ita “oinsa o fo-an hodi hadomi Ha’u durante o nia moris iha mundu?” 

Pe. Philip Heng,S.J.

1Jesus koalia fali ho aiknanoik hodi dehan ba sira: 2 “Reinu lalehan nian hanesan liurai ida nebe halo festa kaben ba nia oan mane. 3Nia haruka atan sira atu ba bolu konvidadu sira ba festa, maibe sira lakohi mai. 4Nia haruka tan atan sira seluk dehan: ‘Dehan ba konvidadu sira: Aihan prontu tiha ona, ha’u nia karau ho balada bokur sira oho tiha ona, buat hotu nahe tiha ona, mai festa kasamento.’ 5Maibe, hanesan lia la kona sira, ida ba tiha nia to’os, ida ba nia kontratu, 6sira seluk, kaer tiha atan sira, baku sira no oho sira. 7Liurai, laran nakali teb-tebes, haruka nia soldadu sira atu oho ema aat sira ne’e hodi sunu sira nia sidade. 8Hafoin nia dehan ba atan sira: ‘Festa kaben prontu ona, maibe konvidadu sira la soi. 9Ne’e duni, imi ba dalan sira hodi konvida ba festa kaben nian ema hotu nebe imi hetan.’ 10Atan sira sai duni ba dalan sira no halibur hamutuk ema hotu nebe sira hetan, diak no aat hodi halo fatin festa kaben nian nakonu ho bainaka.