DGEMs

Maluk sira mak Kristu hadomi,

"Unidade iha fiar ba Maromak": Iha Evangelho ohin, ema akuza Jesus falsamente hodi dehan katak Jesus uza poder Belzebul hodi expulsa ka duni sai demôniu sira husi ema moras sira. Hanesan resposta, Jesus proklama katak qualquer "reino" nebe mak dividido, loron ruma sei monu. Reflete: examina tok ita nia-an "Se ita hakarak fo-an tomak hodi halo tuir Maromak nia vontade, maibe ita la humilde hodi hadomi no servi Maromak ho fuan tomak, entaun ita nia fiar la metin no loron ruma ita sei lakon ita nia fiar ba Maromak.

Pe. Philip Heng,S.J.

15Maibe ema balun dehan: “Nia duni sai diabu hodi Beelzebu, diabu sira nia ulun, nia naran.” 16Balun fali husu ba Nia sinal ida housi lalehan, atu koko Nia. 17Maibe, hatene tiha sira nia hanoin, Nia dehan ba sira: “Reinu hotu nebe fahe malu sei sobu rahun, no uma ida sei monu iha uma seluk nia leten. 18Nune’e mos, Satanas fahe karik nia an ba rua, nia reinu sei tahan oin sa los? Basa imi dehan katak hodi Belzebu mak Ha’u duni sai diabu sira. 19Ha’u duni sai diabu sira hodi Belzebu nia naran karik, hodi sa nia naran mak imi nia oan sira duni sai sira? Tan ne’e mak sira sei tesi lia ba imi. 20Maibe Ha’u duni sai diabu sira hodi Maromak nia limanfuan karik, ne’e dehan katak Maromak nia reinu to’o ona ba imi.