27ᵃ Semana Tempu Komun: Kinta-feira, loron 12, fulan Outubro, 2023 October 12, 2023
Reflection on the WORD
Maluk sira mak Kristu hadomi,
"Maromak hanesan Pai Amoroso": Iha Evangelho ohin, Jesus revela ba ita katak Nia Pai iha Lalehan hadomi ita infinitamente no iha kada momentu iha ita nia moris. Pai Amoroso nebe nakonu ho Misericórdia no Compaixão ba ita hotu. Reflete: atu bele senti Maromak nia Domin no Misericórdia, ita presiza lembra no reflete kona ba ita nia experiensia humana sira nebe nakonu ho amor compassivo. Ho experiensia ida ne’e, ita bele husu grasa atu bele experimenta Maromak ninia Infinita Misericórdia no Domin ba ita ida-ida.
Pe. Philip Heng,S.J.
Lk 11:9-13
Sei la hader hodi fo tamba sira belun malu, nia sei fo duni buat hotu nebe nia belun kuran tamba nia husu fila fila. 9Ne’e duni, Ha’u dehan ba imi: husu ba, imi sei simu; buka ba, imi sei hetan; tuku odamatan ba, odamatan sei nakloke ba imi. 10Basa ema hotu nebe husu, sei simu; ema nebe buka sei hetan; no ba ema nebe tuku odamatan, odamatan sei nakloke ba nia. 11Iha imi le’et, aman ida nebe mak sei fo samea wainhira nia oan husu ikan? 12Eh sei fo sakunar ida wainhira nia husu manu tolun? 13Ne’e duni, maski imi ema laran aat hatene fo buat diak ba imi nia oan sira, oin sa liu tan mak imi nia Aman iha lalehan sei haraik Espiritu Santu ba sira nebe husu ba Nia?”
Today's Pointers on God's Word
As you read the passage what words, phases or meanings caught your attention?
- · Maioria husi ita hirak iha ne’e hadomi ita nia oan no familia sira. Dalabarak inan-aman sira fo buat hotu nebe mak ita iha ba oan sira ho maneira nebe bele estraga mos oan iha ninia prosesu kreximentu. Maibe ita justifika katak ita halo ida ne’e tan Domin – tan hakarak oan atu sai diak.
- · Iha Evangelho ohin relata katak Maromak ne’e infinitamente ‘mais amoroso’. Nia Domin ba ita inkondisional – hodi haruka nia Oan Mane Mesak mai mate iha kruz tan nia hakarak salva ita. Maibe ita nia experiensia amor nakunu ho kondisaun – ‘ha’u hadomi o, se o halo ida ne’e, se o fo ida neba’.
- · Mai ita ho fuan nebe sinsera agradese Maromak tan Nia Amor infinitu nebe sempre haraik mai ita ida-ida. Iha ita nia momentu orasaun sira, ita presiza husu, “Na’i, oinsa mak bele hadomi ita diak liu tan iha ha’u nia moris?”