26ᵃ Semana Tempu Komun: Sexta-feira, loron 6, fulan Outubro, 2023 October 6, 2023
Reflection on the WORD
Maluk sira mak Kristu hadomi,
"Milagres – Fé: iha Evangelho ohin, Jesus fo malisan ba sidade sira nebe mak rejeita Liafuan Diak hodi kontinua moris iha pekadu laran maske sira hare milagre oi-oin iha sira nia moris. Reflete: Maromak haraik bensaun ba ita ho milagre oi-oin kada loron. Maibe ita la konsiente ba milagre ka bensaun sira tamba ita hanoin katak bensaun sira ne’e ita merese duni atu hetan. Ho atitude ida ne’e, ita la agradese ba Maromak nia bensaun sira iha ita nia moris.
Pe. Philip Heng,S.J.
Lk 10:13-16
13“Rahun aat ba o, Korozain! Rahun aat ba o, Betsaida! Basa, milagre sira nebe halo tiha iha o halo karik iha Tiro no Sidom, kleur ona mak sira hakribi sira nia sala hodi hatais karon no taka sira an ho ahikdesan. 14Maibe iha loron tesi lia nian, Tiro no Sidonia sei la hetan susar hanesan imi. 15O mos, Kafarnaum, hakarak foti an to’o lalehan? Ema sei hamonu o to’o inferno!” 16“Ema nebe rona imi rona Ha’u, no ema nebe hakribi imi hakribi Ha’u; maibe ema nebe hakribi Ha’u, hakribi Ida nebe haruka Ha’u mai.”
Today's Pointers on God's Word
As you read the passage what words, phases or meanings caught your attention?
- • Jesus koalia sai ninia julgamentu sira kona ba povo Korozain no Betsaida tamba sira kontinua moris iha nakukun no pekadu laran maski sira hare ona milagre sira no rona Boa Nova Maromak nian. Sira lakohi atu arepende hodi muda sira nia moris ba dalan Maromak nian.
- • Jesus bolu mos ita ida-ida atu la’o no moris tuir ninia hanorin sira kona ba Verdade, Domin, Justisa no Kompaixaun.
- • Ita reza ba grasa atu bele moris tuir deit Maromak nia ukun fuan sira. Kria espasu de enkontru ida ho Jesus hodi bele rona nia iha ita ida-ida nia santuariu (fuan) – ho nune’e mak ita bele moris tuir duni Espiritu Santu nebe guia ita lorloron hodi sai Kristaun nebe diak.