DGEMs

Maluk sira mak Kristu hadomi,

"Paz Maromak nian – Fé”: No Evangelho ohin, Jesus haruka hodi ninia Discipulu na’in 72 hodi ba haklaken Liafuan Diak salvasaun ba sidade hothotu. Nia mos haraik ba sira Bensaun Divinu ba missaun ida ne’e. Reflete: Jesus hakarak haraik bensa wa’in ba ita nebe hakarak moris tuir nia hanorin sira. Maibe ita hakarak simu bensaun ida ne’e ka ita senti destraidu no la valoriza bensaun Jesus nian? Ita substitui Maromak nia bensaun sira ho interese mundu nian?

Pe. Philip Heng,S.J.

1 Ne’e hotu tiha, Na’i fihir eskolante hitu nulu resin rua tan, hodi haruka sira rua rua atu ba uluk iha sidade no fatin sira nebe Nia atu ba. 2Nia dehan ba sira: “To’os boot duni, maibe serbisu na’in sira uitoan deit. Tan ne’e, husu to’os na’in ba atu haruka serbisu na’in sira ba Nia to’os. 3La’o ba. Ha’u haruka imi ba nudar bibi oan sira iha asu fuik sira le’et. 4Keta lori bukae, kohe eh sandalias. Keta kumprimenta ema ida iha dalan. 5Imi tama karik iha uma ida, uluk knanain dehan: ‘Dame ba uma ne’e!’ 6Iha karik ema dame na’in ida iha neba, imi nia dame sei horik ho nia; lae karik, sei fila fali ba imi. 7Hela iha uma ne’e ba, han hemu buat nebe sira iha; basa serbisu na’in soi atu simu nia kolen. Keta tama uma sai uma sira. 8Imi tama iha sidade ida no sira simu imi karik, han ba buat nebe sira fo ba imi. 9Fo isin diak ba ema moras sira iha neba, hodi hateten ba sira: ‘Maromak nia reinu besik ona imi’ 10Maibe imi tama iha sidade ida no sira la simu imi karik, sai ba dalan sira ba hodi dehan: 11‘Rai rahun mos housi imi nia sidade, nebe belit ba ami nia ain, ami liki tiha ba imi! Maibe imi hatene ba katak Maromak nia reinu besik liu ona.’