DGEMs

Maluk sira mak Kristu hadomi,

“Maromak ninia liafuan iha ita-nia moris” – Fiar: Iha Evangelho ohin, Jesus fo-hanoin ita katak Ninia Liafuan fo “liberdade” ita husi ansiedade, tentasaun, bosok, no fantasia mundu nian ne’ebé labele satisfaz ita-nia moris, maibé oferese “gratifikasaun” no “glorifikasaun” ho “satisfasaun” falsa. Reflete; “Reflete kona-ba ita nia moris no artista sira iha Hollywood nian. Saida mak Maromak hato’o mai ita iha loron ne’e?”

Pe. Philip Heng, S.J. 

Wainhira ema lubun boot halibur hamutuk, hodi hakbesik ba Nia housi sidade tomak, Jesus haktuir aiknanoik ida ne’e: “Ema ida ba kari fini. Nia sei kari dau-daun, fini balun monu iha dalan ninin, hafoin ema sama no manu sira housi lalehan mai han sira. Fini balun monu iha fatuk leten; moris tiha, sira namlaek, basá be laiha. Fini balun fali monu iha aitarak laran. Aitarak sira moris hamutuk ho sira, hodi hanehan sira. Ikus mai, fini balun monu iha rai diak, hodi moris no fo fuan dala atus ida.” Hateten tiha ne’e, Nia dehan ho lia maka’as: “Sira ne’ebé iha tilun atu rona, rona ba!” 

Eskolante sira husu ba Nia aiknanoik ida ne’e katak sa. Ne’e duni aiknanoik ida ne’e katak: fini mak Maromak nia liafuan. Fini ne’ebé monu iha dalan ninin mak ema sira ne’ebé, rona tiha nia, diabu mai hodi hasai liafuan housi sira nia laran atu sira la bele fiar hodi hetan maksoin. No fini ne’ebé monu iha rai di’ak, ne’e mak sira ne’ebé rona liafuan ho neon ho laran, rai didiak nia hodi fo fuan, tan sira laran metin.”