DGEMs

Maluk sira mak Kristu hadomi,

“Fiar kle’an no haraik-an”: Iha Evangelho ohin, Jesus louva centurião Romano nia fiar kle’an no humildade. Reflete; “Maromak sei la halo milagre iha ita-nia moris no haraik bensaun wain mai ita se ita loko-an no la agradese ba grasa oioin ita simu. Ita-nia fiar kle’an no haraik-an, ka ita loko-an tanba talentu sira no susesu sira ita atinji?”

Pe. Philip Heng, S.J.

Centurião ida nia atan ne’ebé nia hadomi teb-tebes moras todan, besik atu mate. Rona tiha kona-ba Jesus, nia haruka katuas Judeu sira nian atu husu Nia mai fo isin di’ak ba nia atan ne’e. Jesus ba hamutuk ho sira. Wainhira sira besik ona uma, senturiaun haruka nia belun sira atu hateten ba Nia: “Na’i, keta hakole an, basá ha’u la soi atu Ita tama iha ha’u nia uma. Tan ne’e mak ha’u la berani atu mai hasouru Ita. Dehan de’it liafuan ida, no ha’u atan sei hetan fali isin di’ak. Basá ha’u, ne’ebé halo tuir ema boot liu ha’u, iha mós soldadu sira ne’ebé halo tuir ha’u. Ha’u dehan ba ida ‘Ba,’ nia ba; ba ida seluk, ‘Mai,’ nia mai; ba ha’u nia atan ‘Halo ne’e’, nia halo.” 

Rona tiha liafuan hirak ne’e, Jesus hakfodak, hodi fila oin ba ema lubun boot ne’ebé tuir Nia dehan: “Tebes, Ha’u dehan ba imi katak iha Israel mós ha’u la hetan fiar hanesan ne’e.”