DGEMs

Maluk sira mak Kristu hadomi,

Espíritu Santu – ema seluk: Iha Evangelho ohin, Jesus fó-hanoin Ninia eskolante sira atu manan-fali ema ruma husi komunidade ne’ebé la’o dalan sala, buka tulun husi ema di’ak sira. Espíritu Santu bele uza ema seluk nu’udar Ninia instrument damen no unidade. Reflete: “Oinsa ha’u esperiensia Espíritu Santu uza ema seluk harí komunidade forte no unidu liu?”

Pe. Philip Heng, S.J.

“O nia maun eh alin sala karik hasouru o, ba koalia ho nia mesa-mesak hodi hatudu nia sala. Nia rona karik o, o manan ona o nia maun eh alin ne’e. Nia la rona karik o, ba lori tan ema ida ka rua atu lia hotu sai los hodi sasin na’in rua ka tolu nia liafuan. Nia lakohi rona karik ema sira ne’e, ba fo hatene ba kreda. Maibé nia lakohi rona kreda karik, hare ona nia nu’udar ema gentiu no ema publikanu ida. 

Tebes, Ha’u dehan ba imi: Buat hotu ne’ebé imi futu iha rai sei futu metin iha lalehan; buat hotu ne’ebé imi kore iha rai sei kore mós iha lalehan.”

‘Ha’u dehan tan ba imi: “Imi na’in rua iha rai ne’e lia tuir malu karik atu husu buat ida, Ha’u Aman iha lalehan sei fo duni ba imi. Basá iha fatin ne’ebé ema na’in rua ka tolu halibur hamutuk hodi Ha’u nia naran, Ha’u mós iha sira nia le’et.”