22ª Semana Tempu Komun: Tersa-feira, loron 05, fulan Setembru, 2023 September 5, 2023
Reflection on the WORD
Maluk sira mak Kristu hadomi,
“Jesus ninia Poder Divinu”: Iha Evangelho ohin, Jesus duni-sai espiritu foer husi ema ida; no ema sira hakfodak ho Ninia Poder Divinu. Reflete: “Maromak iha Poder Divinu atu kriauniverso no sasanhotu-hotu. Nia halo milagre barak iha ita-nia moris, tan domin mai ita. Ne’e toka ita atu hadomi Maromak kle’an liu?”
Pe. Philip Heng, S.J.
Lc. 4:31-37
Nia tun ba Kafarnaum, sidade ida Galileia nian. Nia hanorin sira iha loron Sabado. Ema sira hakfodak ho nia doutrina, basá Nia koalia ho kbiit.
Iha sinagoga laran, ema ida ho espiritu foer hakilar ho lia maka’as dehan: “Iha sa ida iha ami no O, Jesus Nazare? O mai atu halo aat ami? Ha’u hatene O se los: Maromak nia santu!”
Jesus si’ak ema ne’e dehan: “Nonok no sai tiha housi nia!” Soe tiha ema ne’e ba rai iha sira hotu nia oin, diabu sai housi nia, la halo aat ida ba nia. Sira hotu hakfodak no tauk, hodi hateten ba malu: “Liafuan ne’e sa los? Ho kbiit no ukun, Nia haruka espiritu foer sira sai, no sira sai duni!” Jesus nia naran boot habelar iha fatin hot-hotu iha rai neba.
Today's Pointers on God's Word
As you read the passage what words, phases or meanings caught your attention?
- · Jesus iha kbiit tomak duni sai “diabu” iha ita-nia moris. “Diabu” la’os otomatikamente signifika espíritu at sira. Ita bele iha “diabu sekularizmu” nian ne’ebé hakonu ita-an ho loko-an hodi halibur rikusoin, atu nune’e ita sai koinesidu iha sociedade no seluk-seluk tan.
- · Ita presiza atu haraik an hodi hatene katak ita iha “diabu sekularizmu” iha ita-nia an. Ita iha vontade atu husu Aman Maromak hodi liberta ita husi diabu sira nune’e?
- · Se ita iha, saida mak ita tenki evita no hasai husi ita-nia moris no oinsa ita komprende mundu no troka ita-nia imajen atu nune’e ita moris iha Maromak ninia dalan sira?