DGEMs

Maluk sira mak Kristu hadomi,

“Fiar iha Jesus”: Iha iventu Evangelho ohin, ema sira iha Nazare rejeita Jesus no la fiar katak Nia mak Messias. Reflete: “Ita hala’o ita-nia fiar hanesan baibain no superficial, taka-an ba Maromak Ninia hakaran no lialos ne’ebé Nia hakarak ita aseita? Maromak ninia dalan sira no hakaran “difisil” atu ita aseita, tanba ita “prefere” atu lakohi trokaita-nia maneira moris?

Pe. Philip Heng, S.J.

Nia mai iha Nazare, iha ne’ebé Nia sai boot. Tuir Nia lisan, Nia tama iha sinagoga iha loron Sabado. Nia hamriik atu le’e. Sira fo ba Nia livru profeta Isaías nian. Loke tiha livru ne’e, Nia hetan fatin ida ne’ebé hakerek nune’e:

“Na’i nia Espíritu iha Ha’u, basá Nia foti tiha Ha’u atu haklaken liafoun di’ak ba kiak sira; Nia haruka Ha’u atu haklaken maksoin ba dadur sira no halo matan delek sira hare; atu soi sira ne’ebé ema hanehan, hodi haklaken Na’i nia tinan rahun kmanek nian.”

Hafoin, taka tiha livru, Jesus fo fali nia ba knaar nain. Nia tur tiha. Ema hot-hotu iha sinagoga laran hateke ba Nia. Tuir mai, Nia hahu koalia ba sira dehan: “Ohin halo tuir los duni liafuan Eskritura nian ne’ebé imi foin rona.”