21ª Semana Tempu Komun: Kinta feira, loron 31, fulan Agostu, 2023 August 31, 2023
Reflection on the WORD
Maluk sira mak Kristu hadomi,
“Vijilansia” iha Fiar: Iha Evangelho loron ohin, Jesus husu ba nia discípulo sira atu moris iha fiar ne'ebé vijilante (matan-moris), hanesan Maromak mai fali ba daruak, ne'ebé sei halakon mundu ne'e, sei hamoris iha ita sem ita hatene. Reflete; "Atu moris ita-nia fiar vijilante, la'ós katak atu moris ho ta'uk ba Maromak nia kastigu, maibé tanba ita hakarak hadomi liután Maromak ho laran tomak. Rezultadu husi moris hanesan ne'e mak Maromak nia Paz, Ksolok no Kumprimentu iha ita-nia moris."
Pe. Philip Heng, S.J.
Mt 24:42-46
Aiknanoik atan badinas nian
42Ne’e duni, matan moris ba basa imi la hatene iha loron nebe mak imi nia Na’i hiit An mai. 43Hatene ba ida ne’e: uma na’in hatene karik tuku hira ahuna’in sei mai, nia sei matan moris no sei la husik sobu nia uma. 44Tan ne’e imi mos matan moris ba, basa imi la hatene iha sa oras Oan Mane sei mai.”
45“Ne’e duni, se los mak emar laran metin no matenek nebe na’i haruka atu tau matan ba nia atan sira hodi fo han sira iha tempu lolos? 46Ksolok ba atan nebe, wainhira na'i fila mai, nia sei hetan nia badinas nune’e.
Today's Pointers on God's Word
As you read the passage what words, phases or meanings caught your attention?
- Kristu nia mai fali ba daruak sei mai lalais no derrepente de’it. Evangelho fó-hanoin mai ita atu moris ho domin ne'ebé loos ba Nia no obedese atu halo tuir Ninia Hakarak.
- Jesus hanorin ita loron-ohin atu diskobre ita-nia an rasik lolos hodi hadomi Nia ho fiar-metin liután, maski ita la sente Ninia prezensa. Ita tenke sai lolos ba nia no matan-moris nafatin hodi hakarak loos atu hein ita-nia Mestre nia fila-fali.
- Jesus hakarak ita atu soe tiha ita-nia maskaara si, ita-nia pretensoens no ita-nia hahalok-di'ak rasik, no troka ho Kristu nia moris loroloron nian, atu nune'e ita bele simu Maromak wainhira Nia mai iha tempu ne'ebé Nia mesak de’it mak hatene.