DGEMs

Maluk sira mak Kristu hadomi,

Maromak nia Miserikordia - Fiar: Iha Evangelho loron ohin, Pedro nakonu ho Espíritu Santu, proklama Jesus nu'udar "Kristu, Maromak nia Oan-Mane". Jesus hili nia, nu'udar Apóstolu nia ulun, no fó kbi’it ba sira atu fó perdua ba sala sira hodi Ninia Naran. Reflete; "Ita-nia fiar ba Maromak, ne'ebé kle'an no nakloke ba inspirasaun no kbi’it husi Espíritu Santu mak, atu moris no fó perdua hanesan Jesus ka la’e?"

Pe. Philip Heng, S.J.

Pedro nia fiar

            13To’o tiha rai Sesareia Filipe nian, Jesus husu ba nia eskolante sira: “Ema sira dehan Oan Mane ne’e se los?”  14Sira hatan; “Balun dehan katak Nia mak Joao Baptista, seluk katak Elias, seluk fali katak Jeremias ka profeta ruma.” 15Jesus dehan ba sira; “Imi fali? Imi dehan Ha’u se?” 16Simao Pedro simu hodi dehan: “Ita Boot mak Kristu, Maromak moris nia Oan.” 17Jesus hatan ba nia : “Ksolok ba o, Simao, Jonas nia oan, basa la’os isin ka ran mak hatudu buat ne’e ba o, maibe Ha’u nia Aman nebe iha lalehan. 18Ha’u dehan fali ba o, ‘O Pedro, no iha fatuk ne’e nia leten Ha’u sei harii Ha’u nia kreda; infernu nia odamatan sira sei la bele halo buat ida hasouru nia. 19Ha’u sei fo siabe reinu lalehan nian ba o; buat hotu nebe o futu iha rai, sei futu mos iha lalehan; no buat hotu nebe o kore iha rai, sei kore mos iha lalehan.’” 20Hafoin Nia haruka nia eskolante sira atu la bele dehan ba ema ida katak Nia mak Kristu.

• Iha Evangelho loron ohin, tanba iha konfuzaun kona-bá Jesus nia identidade, Nia hakarak  iha afirmasaun pesoal ida husi nia apóstolu sira hodi dehan: "Imi dehan ha'u se?"

• Jesus husu pergunta ne'ebé hanesan ba ita loroloron. Saida mak Ita hatán? Halo orasaun hodi husu forsa no aten-barani atu ita bele nafatin hatudu laran-metin ba Jesus maski ita iha dúvida no konfuzaun iha ita-nia moris loroloron nian.

• Kuandu ita tau fiar tomak ba Jesus no rekoñese katak Nia mak ita-nia Nai no Mestri, Nia sei haraik grasa ne’ebé ita presiza atu ajuda Nia harii Ninia Reinu iha rai.