20ª Semana Tempu Komun: Sexta feira, loron 25, fulan Agostu, 2023 August 25, 2023
Reflection on the WORD
Maluk sira mak Kristu hadomi,
"Koko Maromak" - Fiar: Iha Evangelho ohin loron, ema farizeu sira hakarak atu “koko” Jesus hodi husu ba Nia se "Ukun-Fuan ne'ebé aas liu" mak hadomi Maromak ou ita-nia maluk. Iha Jesus nia matenek, Nia hatán katak Ukun-Fuan rua ne'e la fahe-malu. Reflete; "Ita halo tuir Jesus nia matenek ka ou ita hanoin katak ita bele kaer metin Maromak nia bénsaun hotu ba ita-nia an rasik?"
Pe. Philip Heng, S.J.
Mt 22:34-40
Ukunfuan nebe boot liu
34Wainhira fariseu sira rona katak Jesus halo saduseu sira sai nonok, sira halibur an hamutuk. 35Sira ida, doutor ukunfuan nian, husu hodi koko Nia: 36“Mestre, ukunfuan ida nebe mak boot liu?” 37Jesus hatan ba nia: “O sei hadomi Na’i, o nia Maromak ho neon ho laran, ho o nia klamar tomak. 38Ida ne’e mak ukunfuan uluk no boot liu hotu. 39Ida tuir mai hanesan nia: ‘O sei hadomi ema seluk hanesan o nia an rasik.’ 40Ukunfuan rua ne’e, ukunfuan sira hotu no profeta sira nia hun.”
Today's Pointers on God's Word
As you read the passage what words, phases or meanings caught your attention?
- · Ema farizeu sira ne'ebé foti-an ho sira-nia matenek kona-bá sira-nia ukun-fuan no pratika rituais , sira hakarak koko Jesus se Nia komprende ukun-fuan ne'e ka lae, hanesan sira.
- · Jesus halo sira hakfodak ho profunda simplisidade no konesimentu kle’an kona-bá Maromak nia ukun-fuan no ninia objetivu - katak Maromak nia domin mak ulukliu no domin ba ema seluk ne’ebé kesi metin iha Maromak nia domin.
- · Maromak mak hadomi uluk ita. Ita-nia domin ba Nia hanesan resposta ida ba Ninia laran-sadi'a no grasa ne'ebé haraik ba ita ho jenerosidade. Fiar ba Maromak no ba Ninia promesa sira haforsa ita-nia domin ba Nia. Halo orasaun atu ita bele haburas ita-nia fiar, esperansa no domin ba Nia no hatudu domin jenerosidade ba ema seluk liuliu ba ema kiak sira.