DGEMs

Maluk sira mak Kristu hadomi,

Integridade - Fiar: Iha Evangelho loron ohin, Jesus hahí Nathanael tamba ninia integridade, iha nia laran-nakloke ba buat ne’ebé nia fiar. Reflete; "Wainhira ita-nia integridade hamutuk ho Maromak nia Lia-loos, Espíritu Santu bele fó naroman mai ita atu moris tuir Maromak nia hakarak. Maibé, se ita la hatudu integridade hanesan ne'e, fasil ba ita atu monu ba tentasaun atu justifika ne'ebé bele lori ita ba dalan sala nian.

Pe. Philip Heng, S.J.

45Filipe hare Natanael hodi dehan ba nia: “Ami foin hetan Ida nebe Moises iha Ukunfuan no profeta sira fo sai nanis, katak Jesus, Jose nia oan, housi Nazare.” 46Natanael dehan ba nia: “Housi Nazare buat diak ida bele mosu?” Filipe hatan ba nia: “O mai hare.” 47Hare Natanael hakbesik ba Nia, Jesus dehan kona ba nia: “Ida ne’e mak ema Israel lo-los, iha nia la iha lia bosok!” 48Natanael husu ba Nia: “O hatene ha’u oin sa?” Jesus hatan: “Molok Filipe bolu o, Ha’u hare ona o iha ai figueira okos.” 49Natanael dehan fali: “Rabbi, Ita mak Maromak nia Oan Mane, Ita mak Israel nia Liurai!” 50Jesus hatan: “Tan Ha’u hateten ba o katak Ha’u hare ona o iha ai figueira okos, mak o fiar? O sei hare buat boot liu fali ida ne’e.” 51Hafoin Jesus dehan ba nia: “Tebes, Ha’u dehan ba imi: imi sei hare lalehan nakloke, ho Maromak nia anju sira sa’e no tun ba Oan Mane.”