DGEMs

Maluk sira mak Kristu hadomi,

Maria hanesan Liurai-Feto: Iha eventu Evangelho loron ohin kona-bá Anunsiasaun, Anju Gabriel konvida Maria atu sai Salvadór nia Inan. Maria hatán hodi obedese ho laran tomak no domin rohan-laek. Reflete; “Maria mak Liurai-Feto husi Santu hotu iha lalehan no ema iha rai, tanba Nia mak ita-nia Salvador nia Inan; privileizu ida no prezente."

Pe. Philip Heng, S.J.

Anju Gabriel fo hatene ba Maria katak Jesus atu moris

            26Iha fulan neen, Maromak haruka anju Gabriel ba knua ida Galileia nian, naran Nazare, 27ba fetoran ida nebe hakotu tiha ona ba mane ida naran Jose, housi David nia umakain; fetoran ne’e naran Maria. 28Tama tiha iha uma, anju dehan: “Rahun diak, feto kmanek wa’in tebes! Na’i ho ita!” 29Rona tiha lia ne’e, nia laran taridu hodi husu ba nia an rasik kumprimentu ne’e katak sa los. 30Anju dehan ba nia: “Keta tauk, Maria; basa o hetan rahun diak tebes iha Maromak futar oin. 31O sei ko’us no tur ahi oan mane ida. O sei hanaran Nia Jesus. 32Nia sei sai ema boot; ema sei hanaran Nia Na’i aas liu hotu nia Oan. Na’i Maromak sei haraik ba Nia nia aman David nia kadunan. 33Nia sei ukun Jacob nia umakain ba nafatin; nia ukun sei rohan laek.” 34Maria husu ba anju: “Ne’e sei sai oin sa los, basa ha’u la hola mane?” 35Anju hatan ba nia dehan: “Espíritu Santu sei tun ba o no Na’i aas liu hotu nia kbi’it sei hamahan o. Tan ne’e santu nebe atu moris sei hanaran An ‘Maromak nia Oan.’ 36O nia feto maluk Isabel mos ko’us tiha oan mane ida, maski ferik ona. 37Ida nebe ema dehan la ko’us, nia ko’us fulan neen ona; basa, ba Maromak, la iha buat ida nebe la bele.” 38Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anju husik nia.