DGEMs

Maluk sira mak Kristu hadomi,

Lakohi husik – Fiar: Iha Evangelho loron ohin, mane joven riku ida ne'ebé halo tuir mandamentu hotu husu Jesus oinsá mak nia bele hetan moris rohan-laek." Nia bele halo tuir Maromak nia Ukun-Fuan hotu, maibé nia lakohi husik ninia rikusoin. Reflete; "Iha ka la’e sasan ruma ne'ebé  ita lakohi husik hodi taka ita husi domin kle’an ba Jesus, no hetan  moris rohan-laek?"

Pe. Philip Heng, S.J.

Mane klosan riku

16La kleur mane ida hakbesik ba Nia dehan: “Mestre, ha’u sei halo buat diak sa atu hetan moris rohan laek?” 17Jesus husu ba nia: “Tansa o husu Ha’u kona ba buat nebe diak? Ida de’it mak diak. Maibe, o hakarak tama ba moris karik, halo tuir ukunfuan sira ba.” 18Nia husu fali: “Ukunfuan nebe?” Jesus hatan: “Keta oho, keta sala ho ema nia kaben, keta na’ok, keta foti lia falsu; 19hamtauk o nia aman ho inan, hadomi o nia maluk hanesan o an rasik.” 20Klosan ne’e dehan ba Nia: “Ha’u halo tuir ona buat ne’e hotu: ha’u sei halo tan sa ida?” 21Jesus dehan ba nia: “O hakarak sai ema diak lo-los karik, ba fa’an tiha o nia sasan hotu hodi fahe ba ema kiak sira, nune’e o sei hetan rikusoi iha lalehan; hafoin mai tuir Ha’u.” 22Rona tiha lia hirak ne’e, mane klosan fila ho neon nakraik, basa nia iha rikusoi barak.