DGEMs

Maluk sira mak Kristu hadomi,

Fiar ne'ebé kle'an: Iha Evangelho loron ohin, Jesus hasai espíritu aat husi feto Kanaan nia oan-feto. Jesus hanoin tebes kona-bá ninia fiar ne'ebé metin, no nia hatudu haraik-an katak nia la merese atu hetan tulun husi Nia. Reflete; "Wainhira ita iha nesesidade, ita-nia fiar iha Maromak mak kle'an no haraik-an, ou ita sente loko-an no hanoin an de'it?" Se nune'e, Maromak sei hatán ba orasaun sira-ne'e ka lae?

Pe. Philip Heng,S.J.

Feto housi Kanaan

21Sai tiha housi neba, Jesus liu ba rai Tiro no Sidonia nian. 22Iha oras neba feto Kanaan ida nebe mai housi rai neba hahu hakilar dehan: “Na’i, David nia Oan, sadia ha’u: diabu fo terus boot ba ha’u nia oan feto.” 23Maibe Nia la hatan lia fuan ida. Eskolante sira hakbesik ba Nia hodi husu: “Hatan tiha ba nia ba, basa nia hakilar bei-beik tuir ita.” 24Nia hatan: “Ha’u mai de’it ba bibi sira nebe lakon housi umakain Israel nian.” 25Maibe feto ne’e mai hakneak iha Nia oin dehan: “Na’i, tulun ha’u!” 26Nia simu: “La diak hasai oan sira nia aihan hodi soe fali ba asu oan sira!” 27Feto ne’e dehan fali: “Ne’e los duni, Na’i; maibe asu oan sira mos han etu mumun nebe monu housi sira na’in nia meja.” 28Jesus hatan ba nia: “Feto, o nia fiar boot tebes! Halo duni tuir o hakarak ba.” Iha oras neba, nia oan feto hetan fali isin diak.