DGEMs

Maluk sira mak Kristu hadomi,

Maromak nia domin ne'ebé sadi’a: Iha Evangelho loron ohin, Jesus fó sai katak "Reinu lalehan nian" mak Maromak nia domin ne'ebé sadi'a ba ema hotu ne'ebé halo sala, no sira ne'ebé arrepende an ho sinseridade. Maibé, atu simu Maromak nia Sadi'a, ita tenke hatudu laran-sadi'a ba ema seluk. Reflete; "Se ita foti Maromak nia laran-sadi'a ho halimar, ita sei la hatudu laran-sadi'a hanesan Jesus hatudu ona mai ita."

Pe. Philip Heng, S.J.

23“Tan ne’e, reinu lalehan nian hanesan liurai ida nebe hakarak sisi tusan ba nia atan sira. 24Wainhira nia hahu sisi, sira lori mai ema ida nebe iha tusan osan rihun sanulu. 25Tan nia la iha buat ida hodi selu, liurai haruka fa’an tiha nia ho nia feen, nia oan sira ho nia rikusoi sira hotu atu selu nia tusan. 27Tan hanoin nia, atan ne’e nia na’i husik nia ba hodi kasu nia tusan. 28Wainhira atan ne’e sai housi neba, nia hetan nia maluk ida nebe debe nia osan oan atus ida. Kaer tiha maluk ne’e, nia buti metin nia kakorok dehan: ‘Selu o nia tusan ba!’ 29Nia maluk monu ain ba nia hodi harohan: ‘Pasiensia uitoan ho ha’u, ha’u sei fo fali buat hotu ba o.’ 30Maibe nia lakohi sadia nia hodi haruka maluk ne’e ba dadur laran to’o nia selu nia tusan hotu. 31Nia maluk atan sira seluk hare tiha buat ne’e, ho neon susar ba haktuir ba sira na’i buat hotu nebe mosu. 32Tuir mai, sira nia na’i haruka bolu nia hodi dehan ba nia: ‘Atan aat, ha’u kasu tiha o nia tusan tomak tan o husu ha’u; 33o la bele hanoin o nia maluk atan hanesan ha’u hanoin o?” 34Hafoin, hodi hirus, na’i fo nia ba dadur na’in sira to’o nia selu nia tusan hotu. 35Imi ida-ida la perdua ho laran imi nia maun alin karik, Ha’u Aman iha lalehan sei halo mos nune’e ba imi.”