DGEMs

Maluk sira mak Kristu hadomi,

Moris Komunitaria - Fiar: Iha Evangelho loron ohin, Jesus haruka ninia discípulo sira atu haka'as an atu manán fali ema iha komunidade sira, wainhira sira moris la tuir dalan diak. Reflete; "Ita presiza sai hanesan Kristu, no labele julga ema seluk. Atu bele manán fali ema ida tama ba moris ho virtude, ita presiza hakbesik-an ba nia ho kompaisaun, laran-sadi'a no domin."

Pe. Philip Heng, S.J.

Hanorin Malu

15“O nia maun eh alin sala karik hasouru o, ba ko’alia ho nia mesa-mesak hodi hatudu nia sala. Nia rona karik o, o manan ona o nia maun eh alin ne’e. 16Nia la rona karik o, ba lori tan ema ida ka rua atu lia hotu sai los hodi sasin na’in rua ka tolu nia liafuan. 17Nia lakohi rona karik ema sira ne’e, ba fo hatene ba kreda. Maibe nia lakohi rona kreda karik, hare ona nia nudar ema gentiu no ema publikanu ida. 18Tebes, Ha’u dehan ba imi: Buat hotu nebe imi futu iha rai sei futu metin iha lalehan; buat hotu nebe imi kore iha rai sei kore mos iha lalehan.”19 ‘Ha’u dehan tan ba imi: “Imi na’in rua iha rai ne’e lia tuir malu karik atu husu buat ida, Ha’u Aman iha lalehan sei fo duni ba imi. 20Basa iha fatin nebe ema na’in rua ka tolu halibur hamutuk hodi Ha’u nia naran, Ha’u mos iha sira nia le’et.”