DGEMs

Maluk sira mak Kristu hadomi,

"Humilidade – Fiar”: Iha Evangelho loron ohin, feto-faluk Kanaan ida husu Jesus atu kura ninia oan-feto ida-ne'ebé "hetan terus husi diabu". Jesus hatudu laran-sadi'a ba nia tanba nia haraik-an tebes hodi husu. Hanoin to'ok kona-bá, “hanesan ‘feto-faluk’ ne’e, ita buka Jesus ho haraik-an ka lae wainhira ita presiza, ou ita simu Jesus nia kompaisaun no laran-sadi'a ho halimar deit?

Pe. Philip Heng, S.J.

Feto housi Kanaan

21Sai tiha housi neba, Jesus liu ba rai Tiro no Sidonia nian. 22Iha oras neba feto Kanaan ida ne’ebé mai housi rai neba hahu hakilar dehan: “Na’i, David nia Oan, sadia ha’u: diabu fo terus boot ba ha’u nia oan feto.” 23Maibe Nia la hatan lia fuan ida. Eskolante sira hakbesik ba Nia hodi husu: “Hatan tiha ba nia ba, basa nia hakilar bei-beik tuir ita.” 24Nia hatan: “Ha’u mai deit ba bibi sira ne’ebé lakon housi umakain Israel nian.” 25Maibe feto ne’e mai hakneak iha Nia oin dehan: “Na’i, tulun ha’u!” 26Nia simu: “La diak hasai oan sira nia aihan hodi soe fali ba asu oan sira!” 27Feto ne’e dehan fali: “Ne’e los duni, Na’i; maibe asu oan sira mos han etu mumun ne’ebé monu housi sira na’in nia meja.” 28Jesus hatan ba nia: “Feto, o nia fiar boot tebes! Halo duni tuir o hakarak ba.” Iha oras neba, nia oan feto hetan fali isin diak.